Ова здружение на Египќаните веќе подолг период укажува на нивната позиција во македонското општество.
„Наскоро очекуваме да се потпише меморандум за соработка со ВМРО-ДПМНЕ во кој прецизно ќе се дефинира поддршката на оваа ранлива етничка заедница, Египќаните. Таа поддршка е демократска и европска вредност. За Египќаните како да не важеше Охридскиот рамковен договор, ниту балансерот, ниту пак соодветната и правична застапеност. Египќаните имаат образован кадар и можат да бидат носители на високи државни функции. Треба само да ни се даде фер шанса, која секако ја заслужуваме. Длабоко му веруваме на ВМРО-ДПМНЕ, а особено на нејзиниот лидер и иден премиер Христијан Мицкоски“, изјави Демир Далип, претседател на НГИ коалиција на Египќани.
Тој потсетува дека ова здружение е долгогодишен партнер на ВМРО-ДПМНЕ, уште од 2016 година кога беше потпишан документ за соработка со тогашниот претседател на ВМРО-ДПМНЕ, Никола Груевски. И, покрај фактот што ВМРО-ДПМНЕ помина долг период во опозиција, НГИ коалиција Египќани остана достоен и лојален партнер на десноцентристичката ВМРО-ДПМНЕ и новиот претседател Христијан Мицкоски, вели Далип.
