Покрај деканот и продеканите, членови на деканатската управа се и раководителите на институтите и еден член избран од Факултетското студентско собрание. Од факултетот преку социјалните мрежи соопштија дека на протестот ќе се одржи 25-тата редовна седница на Наставно-научниот совет.
Целта на протестот, како што почочуваат од ФИНКИ, е „укажување на власта за потребата од подобрување на условите за студирање на студентите на Факултетот“.
Со повеќе од 5.000 студенти, ФИНКИ е најброен факултет во Македонија, а проблем за управата е тоа што факултетот нема доволно простор за да ги смести сите запишани студенти.
И неформалната организација Студентска револуција попладнево соопштија дека го поддржуваат протестот на ФИНКИ и ги повикаа сите студенти, професори, вработени на УКИМ заедно да излезат и да одат пред Влада со едно прашање: Како преку вештачката интелегенција да дојдеме до ‘таа’ зграда на ФИНКИ?
