Дарио делницата од 21 километар ја мина за еден час, 10 минути и една секунда, зад него со време од 1:14,00 заврши Михаил Валковски, а трет беше Николај Николов, двајцата од Бугарија.
Во женска конкуренција победничка беше Милјана Ристиќ со време од 1:30:01. Второто место и припадна на Јована Шубатлија од Србија (1:30:40), а последна на подиумот се пласираше Фросина Михајловска (1:31:35).
Мирослав Спасов од Бугарија победи на пет километри со време од 18:11 минути, македонските тркачи Александар Арсов (19:16) и Ријат Шеипи (19:32) завршија на второто и третото место.
Вкупно годинава на „Охрид Трчат“ учествуваа 2.200 натпреварувачи од 31 земја.