Оксфам Данска, Амнести интернешнел Данска, Мелемфолкелигт Самвирке (Екшн еид Данска) и палестинската организација за човекови права Ал Хак се вклучени во тужбата, се наведува во соопштението за јавност.
„Постои јасен ризик дека оружјето и воената опрема кои Данска директно и индиректно ги извезува во Израел ќе бидат користени за вршење тешки злосторства над цивилите во Газа. Правејќи го тоа данските власти ги кршат меѓународните правила за трговија со оружје и ризикуваат да станат соучесници во кршењето на меѓународното хуманитарно право, вклучувајќи вршење воени злосторства и веројатно геноцид“, се наведува, меѓу другото, во соопштението на поднесувачите на тужбата.
