понеделник, 17 јуни 2024

Дали сте слушнале за лабне-сирењето од Блискиот Исток?

Лабне, познато и како медитеранско сирење, е вкусен намаз во кое може да се ужива на различни начини. Ова традиционално јадење од Блискиот Исток се прави со цедење на пробиотски јогурт, грчки јогурт или ќефир за да се отстрани вишокот сурутка, што резултира со густа и кремаста конзистентност. Може да биде совршен додаток во повеќе комбинации, и тоа: како намаз на крекери за закуска, дип со зеленчук во предјадење или како додаток во сендвич или врап при главниот оброк.

Објавено на

часот

Сподели

Може да се комбинира со слатки и солени оброци, но на Блискиот Исток најчесто се користи во комбинација со лимон и зачински билки кои даваат дополнителна свежина во целата комбинација на вкусови. Често се користи и во форма на шарени топчиња со различни зачински билки, а претставува една од основните намирници кои се додаваат во традиционалната шаварма, кој е оброк којшто најлесно може да се опише како арапската верзија на грчкото гиро.

Од нутриционистичка гледна точка, лабне е добар извор на протеини, кои се од суштинско значење за изградба и „поправка” на ткивата во телото. Протеинот, исто така, помага да се чувствувате сити и задоволни, што го прави лабнето одлична опција за хранлива и исполнета закуска.

Самиот процес на производство на овој продукт придонесува финалната форма на лабне да биде богата со пробиотици, кои се корисни бактерии кои го поддржуваат здравјето на цревата. Пробиотиците помагаат да се одржи здрава рамнотежа на бактериите во цревата, што е важно за варењето, имунолошката функција и целокупната благосостојба. За стомакот се вели дека е втор мозок затоа што има огромен број на нервни завршетоци и со тоа директно влијае на расположението. Јадењето храна која е богата со пробиотици може да помогне да се одржи здрав цревен микробиом и да се намали ризикот од гастроинтестинални проблеми.

Дополнително, лабне е добар извор на калциум. Калциумот е од суштинско значење за одржување на силни и здрави коски, а добивањето соодветна количина во вашата исхрана може да помогне да се намали ризикот од остеопороза и фрактури затоа што 99% од калциумот во човечкото тело се наоѓа во коските. Останатиот 1% го содржи крвта и меките ткива и неговиот недостаток крвта може да го “позајми” од коските, што резултира со редукција на нивната густина. Вклучувањето на лабне во вашата исхрана може да помогне да се зголеми внесот на калциум,а со тоа и да се поддржи здравјето на коските.

Содржи и витамин А кој е есенцијален за многу физиолошки процеси: одржување на здрав вид, нормална функција на органите и имунолошкиот систем, правилен раст и развој, како и правилно развивање на повеќе органски системи на ембрионот во матката за време на бременост.

Додека лабне е хранлива и вкусна опција за додавање на вашите оброци и закуски, важно е да уживате во умерени количини. Како и сите млечни производи, лабне е извор на заситени масти и калории, па затоа најдобро е да го консумирате како дел од урамнотежена исхрана. Внимавајте на големината на порциите и обидете се да изберете опции со пониски масти кога е можно за да го контролирате внесот на заситени масти.

Благодарение на President, сега лабнето е достапно и во нашите маркети и можеме да ја збогатиме нашата трпеза со уште еден нов продукт и да уживаме во неговиот вкус.

Комерцијален текст

ТОП ВЕСТИ

ПОСЛЕДНИ ВЕСТИ