Голден стејт има уште еден чекор до големото НБА финале откако ноќеска по третпат го победи Далас.
Натпреварот беше изедначен во голем тек, а клучната разлика гостите ја направија во третата четвртина која ја добија со 30-21. Крајниот резултат беше толку, девет поени разлика, 109-100.
Лука Дончиќ имаше уште една одлична партија, но за да атакува на шампионскиот прстен потребни му се подобри соиграчи. Словенецот постигна 40 поени, имаше и 11 скокови, но тоа не беше доволно за да се избегне поразот.
Стеф Кари беше најдобар во тимот на Голден стејт со 31 поен и 11 асистенции, одличен меч имаше и Вигинс со 27 поени и 11 скокови. Имаше и едно впечатливо забивање преку Дончиќ.
[video:https://www.youtube.com/watch?v=Cx7cygUQ6Do autoplay:0]
