Министерството за внатрешни работи на Србија соопшти дека тој кажал дека собирот не бил пријавен што е законска обврска, и дека на него дошло и до загрозување на имотот и напади на полицијата, „а пред сè нарушување на угледот на Србија, поврзано за државното знаме“.
Во соопштението на сајтот на српско МВР пишува и дека Дачиќ кажа дека „припадниците на полицијата покажале воздржаност и дека реагирале само во случај на потреба да одбијат напад“.
„Сите виновници за насилството и извршители на кривични дела и прекршоци ќе бидат приведени и ќе бидат поднесени кривични и прекршочни пријави. Сите дела се снимени и извршителите ќе одговараат“, кажа Дачиќ.
Претходно новосадската опозиција соопшти дека сликата на тој протест нема да биде нарушена од „дивеењето на режимските хулигани“ кои со часови ја демолираа Градската куќа и дека почнал да тече рокот од 48 часа за исполнување на барањата од протестот за оставки и сменување на одговорните за жртвите на Железничката станица.
