Како што јави Данас, Дачиќ синоќа изјави дека овие системи се наоѓаат во магацини во кутии, дека се во сопственост на Министерството за внатрешни работи, но дека не се пуштени во употреба, ниту се монтирани на некое возило или систем.
На прашањето зошто тогаш изјави дека Министерството за внатрешни работи (МВР) не поседува „звучен топ“ или друго слично звучно оружје, министерот рече дека тоа е несмасна изјава.
„Тоа е несмасна изјава. Под тоа се мисли дека МВР не ја вклучи оваа алатка во својот арсенал на средства за принуда“, изјави Дачиќ за Данас.
Запрашан зошто државата „однапред го купила“ системот, кога не е дозволена неговата употреба, Дачиќ вели дека се работи за промашена инвестиција.
„Веројатно тогаш се мислеше дека ќе се донесе нов закон за полицијата кој ќе предвидува употреба на звучно оружје како уште едно средство за принуда“, додаде тој.
