Во соопштението се наведува дека помошта е побарана бидејќи министерството се соочило со јавни и медиумски обвиненија дека полицајци за време на протестот во Белград на 15 март употребиле звучен топ.
Дачиќ претходно изјави дека српската полиција никогаш не користела недозволени средства, вклучувајќи звучен топ. Тој истакна дека такви средства не биле подготвени ни користени и дека полицијата нема да ги користи ни во иднина.
Меѓутоа, граѓаните и некои експерти се уверени дека на протестот е користен звучен топ. Спорниот момент се случил додека демонстрантите им оддавале почит на жртвите на несреќата на новосадската железничка станица за време на протестот во Белград. Од непозната причина луѓето масовно се тргнале на страна и почнале да бегаат.
