Од Министерството за внатрешни работи соопштија дека несреќата била пријавена околу 15:50 часот.
Според информациите, патничко возило БМВ со скопски регистарски таблички, управувано од Р.П. (44) од селото Сарај, излетало од коловозот. Возачот починал на местото на несреќата, а смртта ја констатирал лекар од Итната медицинска помош.
По наредба на јавен обвинител, телото на починатиот е предадено на обдукција.
Увид на местото на несреќата извршила екипа на Секторот за внатрешни работи Скопје, а причините за излетувањето од патот се утврдуваат.
