Полициските службеници во координација со рибочуварската служба пронашле во чамецот шест рибарски мрежи долги околу 720 метри и улов од 106,8 килограми белвица. Се работи за риба која е во период на мрест и за која е забранет риболовот.
Рибата, по проценка од експерти од Хидробиолошкиот завод во Охрид, била во фаза на расипување. Под присуство на полицијата, уловот бил предаден на Здружението на ловци од Охрид и безбедно уништен на соодветно место.
Д.К. и Н.С. се лишени од слобода и се приведени во полициската станица за гранични работи Охридско Езеро, а сите пловни средства и рибарски мрежи се одземени.
