Во рамките на акцијата, на месноста Песјобарци фатени се три лица, М.А. (43), П.А.(40) и И.Д. (48), сите од Прилеп, со три запрежни коли натоварени со огревни дрва без соодветна дозвола за нив. Одземени се околу 4,5 кубни метри и се предадени на прилепската Шумска полиција.
На месноста Пештерица и Дата Центар во Прилеп, пак, запленети се три запрежни коли (шпедитери) натоварени со 0,7 кубни метри огревни дрва без дозвола и тие се одземени од тројца прилепчани, С.А.(37), С.Б.(49), А. Ш(41).
Во прилепското село Ореовец, пак, се запленети два шпедитери натоварени со три кубни метри огревни дрва од 16-годишен малолетник од Битола. Одземеното огревно дрво е предадено на Шумската полиција во Прилеп.
Од СВР Битола информираат дека по документирањето против дрвокрадците ќе биде поднесена соодветна пријава.
