Следела брза интервенција на пожарникарите со која било навреме спречено проширување на пожарот, кој се проширил од едно на друго возило и зафатил и една бандера, а можел за кратко време да ги зафати и блиските куќи.
Како што денеска информираат од ТППЕ Велес, тие излегеле на местото на настанот со две противпожарни возила и шест пожарникари.
„По пристигнување на местото на настанот глетката прикажуваше проширување на пожарот од кој беа зафатени две возила и една бандера. Со брза интервенција и пожртвуваност на пожарникарите, пожарот беше изгаснат и не се дозволи огнот да направи штета и на околните куќи“, соопштија денеска од ТППЕ Велес.
Инаку велешката улица „Љубен Весов“ се наоѓа во стариот дел на градот којшто е густо населен и куќите се прилепени една до друга, така што пожарот можел многу брзо се шири. Воедно проодноста на пожарникарското возило по стрмните и тесни улички е многу тешка и поради голем број на паркирани возила.
