Првиот осомничен, вчера при вршење семејно насилство во домот во Шуто Оризари, ја убил својата партнерка со која живеел во вонбрачна заедница. Делото го извршил во присуство на 5-годишната ќерка. На жртвата ѝ нанел повреди и убодни рани со нож во пределот на вратот и градниот кош, од кои таа починала на лице место.
Веднаш потоа избегал од домот, во што му помогнал вториот осомничен кој му дал друга облека и му овозможил превоз со автомобил до граничниот премин Табановце. Во непосредна близина на границата го оставил и се вратил во Скопје каде се обидел да ги прикрие трагите на своите помагачки дејствија.
Осомничениот за убиство продолжил кон границата каде бил запрен и уапсен.
СВР Скопје соопшти дека се работи за Н.А. (38) од Скопје, Р.А. (36) била неговата невенчана сопруга, а Д.С. (32) му помогнал на сторителот и го превезол до ГП Табановце.
