МВР денеска соопшти дека на 3 мај во 23:40 часот во СВР Скопје, И.Р.К.(54) од Скопје пријавил дека на булеварот „Гоце Делчев“ во Скопје, додека вршел работни задачи како таксист во обележано такси возило, три лица кои ги превезувал, физички го нападнале, а еден од нив му го одзел мобилниот телефон, по што се дале во бегство.
Веднаш по добиената пријава, трите лица се пронајдени и лишени од слобода, а пронајден е и телефонот и вратен на сопственикот.
Против О.А.Б., К.И. и Е.Х.Б., соопшти МВР, до ОЈО Скопје е поднесена кривична пријава.
