Седумгодишно девојче од Куманово се здобило со тешки телесни повреди откако било удрено од патничко возило на булеварот „Октомвриска Револуција“ во Куманово.
Како што информираат од полицијата, на 5 февруари 2026 година околу 19:05 часот во СВР Куманово било пријавено дека патничко возило фолксваген голф со кумановски регистарски ознаки, управувано од 23-годишната С.В. од Куманово, удрило во седумгодишна малолетничка.
Во несреќата, малолетничката се здобила со тешки телесни повреди, кои биле констатирани во Комплексот клиники „Мајка Тереза“ во Скопје.
Увид на местото на настанот извршила увидна екипа од СВР Куманово, а се преземаат мерки за целосно расчистување на случајот.
