Во несреќата учествувале мерцедес Ц220 со скопски регистарски ознаки, управуван од 44-годишниот И.К. од Скопје, и опел тигра, исто така со скопски регистарски ознаки, управуван од 23-годишниот А.Ј. од селото Горно Оризари, Скопско.
Како последица на судирот, И.К. се здобил со тешки телесни повреди, додека А.Ј. поминал со телесни повреди. Двајцата повредени биле пренесени во Градската општа болница „Св. Наум Охридски“, каде што им била укажана лекарска помош и им биле констатирани повредите.
На местото на несреќата увид извршила екипа од СВР Скопје, а истрагата за причините и околностите под кои се случил судирот е во тек.
