Според пријавата, несреќата се случила додека 30-годишниот Р.М. од село Острец, битолско, управувал трактор „Тафе“ со приколка, во кој како сопатничка била и У.М. (29) од истото село. Во еден момент, жената паднала од тракторот и се здобила со тешки телесни повреди.
Повредената била пренесена во Клиничката болница во Битола, каде што биле констатирани повредите.
На местото на несреќата увид извршила екипа од СВР Битола, а се работи на целосно утврдување на околностите под кои се случил инцидентот.
