Пријавените се Б.Ц. (41) од Струмица, поранешен директор на установата, В.М. (36) од Струмица, поранешен вршител на должноста директор, и В.Т. (42) од Струмица, заповедник на затворската полиција.
Според полициските информации, Б.Ц. и В.М., во повеќе наврати злоупотребувајќи ја службената положба, издавале решенија за погодности на осудени лица спротивно на Правилникот за куќен ред. Б.Ц. во три случаи овозможил краткотраен излез од установата на едно лице, додека В.М. во 32 наврати на седум лица им дозволил краткотрајни излегувања, а во два наврати на две лица им овозможил користење на годишен одмор и покрај тоа што не ги исполнувале условите. Исто така, В.М. на четири осудени лица им овозможил прераспределување од полуотворено во отворено одделение без законска основа.
Пријавениот В.Т., пак, добил писмено овластување од В.М. да врши работи од областа на ресоцијализацијата иако не поседувал соодветно образование, а воедно продолжил да ја раководи и затворската полиција, извршувајќи две неспоиви и одговорни работни функции.
