Минитерството за внатрешни работи информира дека за пожарот било пријавено во 11:22 часот, во СВР Охрид и Eзерската полиција.
„Повредени лица нема, а во гасењето на пожарот интервенирала Територијалната противпожарна единица Охрид и Езерската полиција. Од преземените мерки е констатирано дека глисерот бил регистриран и бил во сопственост на З.Д.(64) од Тетово“, соопшти МВР.
Поради предизвикани оштетувања на коритото, додава МВР, глисерот потонал на длабочина од околу три метри, а од пожарот се оштетени и два други соседни глисери.
