Според пријавеното, околу 11:15 часот, лицето паднало од зграда во изградба на улицата „Братство единство“ во Дебар, каде што извршувало работни задачи. И покрај укажаната помош, тој починал на пат кон болницата.
На местото на настанот излегле трудов инспектор и јавен обвинител, по чија наредба телото е дадено на обдукција. Увид извршила екипа од ОВР Дебар, а се преземаат мерки за целосно расчистување на случајот.






