Вчера во атарот на село Ерџелија, Светиниколско, полициски службеници од ОВР Свети Николе го лишија од слобода С.Д. (75) од село Ерџелија, постапувајќи по претходна пријава дека на локалниот пат Кадрифаково-Ерџелија, С.Д. предизвикал пожар, при што гореле сува трева и трска.
Пожарот е изгаснат од екипа на Територијалната противпожарна единица Свети Николе, а повредени лица нема. По целосно документирање на случајот, ќе биде поднесена соодветна пријава, соопштија од полицијата.
