Приведен кавадарчанец, возел пијан и предизвикал сообраќајна незгода

Според МВР, пријавениот возејќи голф со кавадаречки регистарски ознаки, на регионалниот пат Кавадарци – Дреново, кај местото викано Рамниште, изгубил контрола и излетал од патот. Г.Т. бил задржан во полициска станица, а од извршените проверки било констатирано дека го управувал возилото со 2,52 промили алкохол во крвта. Известен бил јавен обвинител и по документирање на настанот против него ќе биде поднесена пријава за безобѕирно управување со моторно возило.