„Вчера напладне граничниот премин Долно Блаце, полициски службеници го лишиле од слобода Г.А.С.(54) од Полска, затоа што при извршена проверка било констатирано дека во оперативната евиденција е со мерка „апси“ по телеграма од Интерпол. Тој бил предаден на полициски службеници од СВР Скопје за понатамошна постапка“, информираше МВР.
Оттаму уште соопштија дека утрово во 2:30 часот на граничниот премин Пелинце, полициски службеници го лишиле од слобода Д.Ѓ.(31) од Србија, затоа што при извршена пасошка контрола било констатирано дека во оперативната евиденција е на Стоп-листа, односно се бара по телеграма од Интерпол-Австрија.
„Тој е предаден на полициски службеници од СВР Куманово за понатамошна постапка“, информираше МВР.
