„Полициски службеници од СВР Скопје денеска го лишиле од слобода Б.Џ. (51) од Скопје затоа што денеска околу 11.40 часот на ул. „Лазар Личеновски“ во Скопје со патничко возило тојота со бугарски национални ознаки удрил во модифициран велосипед со три тркала управуван од Р.У. (37) од Скопје“, стои во соопштението на МВР.
Оттаму додаваат дека повредениот е пренесен во ГОБ „8 Септември“, а Б.Џ. е лишен од слобода, привремено му е одземено и возилото, а против него, по документирање на случајот, ќе биде поднесена соодветна пријава.
