Под дејство на алкохол нападнал полициски службеници во Богданци – лишен од слобода

Тој околу 21.50 часот во Богданци агресивно се однесувал кон полициски службеници кои извршувале службени задачи, а во еден момент и физички ги нападнал. Од преземените мерки е утврдено дека лицето е под дејство на алкохол, односно има 1.39 промили алкохол во крвта. Тој е задржан во полициската станица Гевгелија и за настанот е запознаен јавен обвинител од Основното јавно обвинителство Гевгелија. Се преземаат мерки за целосно документирање на случајот, по што против Е.У. ќе биде поднесена соодветна пријава.