Како што информира МВР, при сообраќајна контрола било сопрено патничко возило „мерцедес“ со кавадаречки регистарски ознаки, што го управувал Г.Т.. По преземените мерки, констатирано е дека уапсениот возел пијан, а му биле измерени 1,74 промили алкохол во крвта.
Г.Т. исто така му ја туркал раката на полициски службеник со цел да го спречи да преземе службени дејства. Г.Т. е задржан во полициска станица, известен е јавен обвинител и по документирање на настаните, против него ќе бидат поднесени пријави за безобѕирно управување со моторно возило и спречување службено лице во вршење службено дејствие.
