Според пријавата во СВР Скопје, во несреќата учествувале четири патнички возила, од кои едно го напуштило местото на настанот.
Се работи за ауди, управувано од Д.С. (39) од Скопје, второ ауди, управувано од З.А. (29) од селото Сингелиќ, форд фиеста, управувана од Т.Т. (46) од Скопје, како и фиат стило, за кое полицијата информира дека заминало од местото на несреќата.
Повредени се возачот З.А. и неговите сопатници Р.Р. (20) од Сингелиќ и Ј.А. (20) од Батинци, како и возачот Д.С. и сопатникот во форд фиеста, Д.Т. од Скопје. Повредите им биле констатирани во Градската општа болница „Св. Наум Охридски“ и во Клиничкиот центар „Мајка Тереза“.
Известен е јавен обвинител, а се преземаат мерки за целосно расчистување на случајот, вклучително и идентификација на возачот кој го напуштил местото на несреќата.
