Вчера попладне во 16:30 часот во СВР Скопје 44-годишна жена пријавила дека околу 11 часот во семејниот дом во скопско, таа и нејзиниот малолетен син биле физички нападнати од нејзиниот сопруг В.В.
„Се преземаат мерки за расчистување на случајот“. информираа од МВР.
Час и половина подоцна во Кочани полициски службеници од ОВР Кочани го уапсиле 29 годишниот Е.Р. по претходна пријава дека во семејниот дом физички ја нападнал неговата 35-годишна вонбрачна сопруга. Се преземаат мерки за расчистување на случајот. Синоќа во 21:15 часот во СВР Тетово било пријавено дека на автопатот Тетово- Скопје, кај наплатната станица во близина на село Желино, застанало возило пежо и при тоа Н.К. од Скопје физички нападнал 41-годишна жена, која била со него во возилото.
„Веднаш е постапено во однос на пријавата од страна на полициски службеници од полициското одделение Групчин и по документирање на случајот ќе биде поднесен соодветен поднесок“, се наведува во билтенот на МВР.
Петнаесет минути подоцна, во СВР Скопје 33-годишна жена пријавила дека околу 15 часот во семејниот дом на подрачјето на Ѓорче Петров била физички нападната од нејзиниот сопруг Б.А.. Се преземаат мерки за расчистување на случајот.
