Како што информираат од Министерството за внатрешни работи, до несреќата дошло при судир помеѓу патничко возило марка сеат со скопски регистарски таблички, управувано од 56-годишниот М.Т. од село Дејковец, и четирицикл управуван од 28-годишниот С.М. од село Страхојадица, општина Зелениково.
Во сударот, тешки телесни повреди здобиле возачот на четирициклот и малолетното дете кое било со него во моментот на несреќата. Повредените се пренесени и им е укажана медицинска помош во Комплекс клиники „Мајка Тереза“ во Скопје.
Увид на местото на настанот извршила увидна екипа од СВР Скопје, а причините за несреќата се предмет на истрага.
