Според информациите од полицијата, во текот на 2024 година пријавениот довел во заблуда две лица од Тетово, ветувајќи им дека ќе им отвори фирма во странска држава. За наводното средување на потребната документација, тој од нив наплатил вкупно 11.000 евра.
По добивањето на парите, пријавениот не ги исполнил ветувањата и не ја реализирал договорената услуга, со што се стекнал со противправна имотна корист на штета на оштетените.
Полицијата информира дека случајот е целосно документиран и кривичната пријава е поднесена до надлежното обвинителство.
