Пријава е поднесена протв В.П. од Дебар, со престој во САД, Ф.П., Р.П. и А.П., сите од Дебар, кои на 1 август годинава, на семејна веселба, во куќа покрај Дебарско Езеро, неовластено пукале со огнено оружје и предизвикале значителна опасност по животот на присутните гости.
„По мерки преземени во координација и наредба со јавен обвинител, пронајден и лишен од слобода беше Ф.П. кому му беше одземен пиштол „Магнум“. При претрес извршен по судска наредба, во куќата каде била семејната веселба, сопственост на Б.П. и пријавената А.П. пронајдени и одземени беа пиштол стејер“, информираше Стефан Димоски, портпарол на Секторот за внатрешни работи-Охрид.
Исто така од пријавената А.П. одземен е пиштол глок со 34 куршуми.
