Кривична пријава против двајца полицајци поради примање поткуп

Двајца полициски службеници од Велес побарале поткуп од едно лице за да не го казнат поради сообраќаен прекршок. На 16 јуни за да не санкционираат сообраќаен прекршок побарале и примиле поткуп од едно лице во износ од 3.000 денари. Против полициските службеници ќе биде поведена и постапка за утврдување на дисциплинска одговорност. Тие ќе бидат суспендирани од работните места до завршување на дисциплинската постапка, соопшти МВР.