Полицијата регистрирала дека 11 возила се движеле со брзина над 50 километри на час повеќе од дозволеното, а едно возило се движело со дури над 70 километри на час повеќе од дозволената брзина.
За време на сообраќајните контроли во Скопје изречени биле и пет санкции за возење под дејство на алкохол, како и 14 за лица кои возеле без возачка дозвола.
Казнети се шест возачи кои биле запрени додека зборувале на мобилен телефон, пет возачи поминале на црвено светло на семафорот, а напишани биле и 41 казна за непрописно паркирање.
Сообраќајната полиција апелира да се почитуваат сообраќајните прописи и правила и најавува дека со акциските контроли ќе продолжи и во наредниот период.
