Полициски службеници од ОВР Кавадарци вчера привеле 38 годишен кавадарчанец затоа што при претрес во неговиот дом, извршен со судска наредба, биле пронајдени и одземени марихуана, амфетамин, хероин, дигитална вага и метална дробилка.
„Лицето било задржано во полициската станица во Велес и по целосно документирање на случајот ќе следува соодветна пријава“, велат од МВР.
Кавадаречката полиција уште соопшти дека вчера попладне биле уапсени А.М.(25) од Струмица и Џ.Д.(33) од Кавадарци. Тие се сомничат дека истиот ден од домот на Ј.И.(72) од Кавадарци одзеле паричник со пари и лични предмети.
„Лицата се задржани во полициската станица во Кавадарци, а одземените предмети биле пронајдени и вратени на сопственикот. По целосно документирање на случајот, против нив ќе бидат поднесени соодветни пријави“, информираа од МВР.
