Како што информираат од МВР, пријавениот, инспектор за јавен ред и превенција во Полициското одделение Македонска Каменица при СВР Штип, на 27 август 2025 година, додека бил на работа, фрлил и запалил хартија од службени материјали во старо метално буре што се користело за отпад.
Огнот се проширил околу бурето, ја зафатил сувата трева и се приближил до објектот на полициското одделение.
Од Одделот за внатрешна контрола најавуваат дека против инспекторот ќе биде поднесен и предлог за поведување постапка за утврдување на дисциплинска одговорност поради кршење на работниот ред и дисциплина.
