Во Скопје, на подрачјето на Карпош, дошло до нарушување на јавниот ред и мир поради физичка пресметка помеѓу двајца 18-годишници и тројца малолетници. Сите учесници се приведени во полициска станица, а по документирање на случајот ќе следуваат соодветни поднесоци.
Во Прилеп, полицијата поднесе кривична пријава против 33-годишен маж кој се сомничи дека попречувал службени лица при извршување на службени дејствија, обидувајќи се да спречи транспорт на запленето возило.
Во Гостивар, пак, 24-годишен жител пријавил дека бил физички нападнат по расправија околу паркинг место пред угостителски објект. Полицијата презема мерки за расчистување на случајот.
