Несреќата се случила на 30 август, околу 15:50 часот, при судир помеѓу патничко возило пежо со скопски регистарски таблички, управувано од И.Т. (46) од село Кучевиште, скопско, и возило рено со кумановски регистарски ознаки, зад чиј волан бил Б.Б. (52) од Куманово.
Двајцата возачи се пренесени во Општата болница во Куманово, каде им биле констатирани тешки телесни повреди.
Увид на местото извршила екипа на СВР Куманово, а причините за несреќата се испитуваат.
