Осомничениот, како што соопшти Обвинителството, во дворното место на куќа во која никој не живеел, а која граничела со неговата куќа, неовластено за продажба чувал 107,46 грама хероин и 33,37 грама марихуана, како и три дигитални ваги наменети за мерење и пакување дрога.
„Бидејќи постојат околности кои упатуваат дека осомничениот би можел да се даде во бегство или да го повтори делото, надлежниот јавен обвинител до судијата на претходна постапка достави предлог за определување мерка притвор. Основниот суд во Битола донесе решение со кое на осомничениот му определи привор во траење од 30 дена“, се наведува во соопштението.
