Девет лица вработени во ЈП „Комуналец“ од Кичево осомничени за загрозување на животната средина

Полицајците постапувале по пријава од граѓани во врска со работата на дивата депонија во кругот на поранешниот Керамички комбинат „Вранешница“ во Кичево, а поради постоење на основано сомнение за сторено кривично дело по член 230 од КЗ на РСМ („загрозување на животната средина и природата со отпадни материи“). Повиканите деветмина биле затекнати како одлагаат отпад во дивата депонија, а на разговор дополнително бил повикан и директорот на ЈП„Комуналец“ а во врска со сомнение за сторено кривично дело по член 230 и член 353 од КЗ на РСМ. Известен е надлежен ЈО по чии што насоки се работи на целосно расчистување на случајот.