Во велешкото село Горно Оризари, рано наутро се судриле две патнички возила, при што 51-годишен возач се здобил со тешки повреди, а 29-годишна жена поминала со полесни повреди.
Во Скопје биле регистрирани две сериозни незгоди. На крстосница во градот, автомобил удрил во детски тротинет, при што тешко е повредено малолетно лице. Во друг случај, на булеварот „Јане Сандански“, возило удрило во 75-годишна жена, која исто така се здобила со тешки повреди.
Во тетовско, пак, автомобил удрил во 70-годишен пешак, по што возачот избегал од местото на несреќата. Повредениот пешак е пренесен во болница со сериозни повреди.
Полицијата извршила увид на сите локации и презема мерки за целосно расчистување на случаите.
