Во Скопје, на подрачјето на Бит Пазар, приведена е 41-годишна жена поради напад врз нејзината 66-годишна свекрва, додека подоцна истата пријавила дека и таа била нападната од свекрвата. Во одделен случај, уапсена е 46-годишна жена која со тврд предмет ја нападнала својата 27-годишна ќерка, а во Драчево бил приведен 56-годишен маж поради напад врз сопругата.
Слични инциденти се случиле и во Кавадарци, каде биле лишени од слобода две лица – едното поради напад врз својот татко, а другото поради напад и закани кон поранешната сопруга. Во Гостивар е приведена 30-годишна жена поради напад врз свекрвата, додека во Струмица 27-годишен маж е уапсен поради насилство врз сопругата.
Дополнително, во Охрид било пријавено дека жена била физички нападната од својот партнер неколку дена претходно.
Од МВР информираат дека сите случаи се документираат и ќе следуваат соодветни пријави.
