МВР соопшти дека во текот на вчерашниот ден во периодот од 10 до 14 часот била спроведена сообраќајна контрола во однос на пешаците при што им се напишани казни на 263 лица.
На 217 пешаци им се изречени санкции заради небезбедно преминување на улица надвор од пешачки премин, а на 38 за преминување на улица за време на црвено светло на семафорот за пешаците.
Најмногу казни се изречени во Скопје – 81, на територија на СВР Тетово 38, на територија на СВР Битола 36, како и уште во неколку градови.
Полицијата апелира до граѓаните да ги почитуваат сообраќајните правила и прописи и улиците да не ги преминуваат на необележани за нив места бидејќи ја загрозуваат својата безбедност, но и сообраќајот во целина.
