И натаму најсериозен е пожарот во Македонски Брод, кај ловиштето Јасен и Долна Белица. И денеска таму делуваа хеликоптери, пожарникари, војнции… Таму гори борова шума.
На Галичица гори во правец на селата Лескоец и Стење, на територијата на Општина Ресен. А на охридската страна крак од пожарот се движи кон месноста Војтино и на север кон планинарска куќа. Таму делуваат вкупно 120 лица.
Во Долнени гори нискостеблеста деградирана шума и сува трева, во Новаци пожарот е во атарите на селата Полог, Брник, Ивени, Рапеш и Паралово, во Кичево гори кај село Цар и се шири кон селата Брезово и Зашле… Активни се и пожарите кај Кичево село Патеец, во Валандово кај Казандол, Пласница, кај село Гари, Општина Дебар, Чашка кај Мокрени, кај Македонска Каменица се разгорел еден крак од пожарот кај Цера, гори и кај Василево, Сарај, Струга, Гевгелија…
