Мехмет Палаз, кој се здоби со повреда на главата и беше во животна опасност, беше испратен во Универзитетската болница во Памуккале откако беше примен во државната болница Тавас, објави Џумхуриет.
Откако во неделата вечерта почнаа да доаѓаат неофицијални резултати, голем број сопартијци се собраа пред партиските простории за да ја прослават изборната победа. Поголема група луѓе ги исполниле двата балкона од зградата на седиштето на партијата кога еден од нив се урна. Во тој настан повредени се осум членови, од кои тројца потешко.
Deputy head of the Turkish opposition party Mehmet Palaz died as a result of a balcony collapse during celebrations of victory in municipal elections, – IHA
According to the agency, another 8 people were hospitalized. pic.twitter.com/fBqdB4qqtY
— NEXTA (@nexta_tv) April 1, 2024
Палаз беше заменик-шеф на партијата за областа Тавас. Според неофицијалните резултати од локалните избори, во областа Тавас победи кандидатот на Републиканската народна партија за градоначалник Кадир Татик.
Врз основа на резултатите од 99,9 отсто од избирачките места, Републиканската народна партија победи во 35 градови на локалните избори, додека владејачката Партија на правдата и развојот на турскиот претседател Реџеп Таип Ердоган победи во 24 градови, објави претседателот на Високата изборна комисија, Ахмет Џенер.
