Спасовски изрази уверување дека и во наредните години припадниците на единицата ќе бидат на висина на задачите и дека ќе придонесат во градењето на полицијата како сервис на граѓаните и гарант за сигурноста и безбедноста.
„Само во 2023 година, делувајќи на територијата на град Скопје како превентивно, така и репресивно, Единицата за интервентна полиција приведе и лиши од слобода 1.591 лице по разни основи. Како резултат на секојдневното работење на терен, многу од кривичните дела се откриени на лице место, токму при извршување на кривичното дело или непосредно потоа, со брза интервенција на нејзините припадници, веднаш по добиена објава од полициските станици“, рече началникот на Единицата за интервентна полиција, Дејан Несторовски.