среда, 19 јуни 2024

Чешка: Не гледаме проблем Украина да ја гаѓа Русија со нашето оружје

Чешкиот министер за надворешни работи изјави за новинарите дека неговата земја нема „никаков проблем“ со тоа Киев да користи муниција обезбедена од Прага за да гаѓа цели на руска територија.

Фото: ЕПА

Објавено на

часот

Сподели

„Чешка нема проблем со тоа Украина да се брани од агресорот“, изјави Јан Липавски пред состанокот на министрите на НАТО во чешкиот главен град.

Ова ги вклучува „нападите кои нужно мора да се изведат на руска територија“, продолжи Липавски. „Тоа е правило за испораката од Чешка“.

Министрите за одбрана на Европската унија претходно во вторникот не успеаја да постигнат консензус околу дозволувањето на Украина да користи западно оружје за напади на руска територија, за што рускиот претседател Владимир Путин рече дека ќе биде „играње со оган“.

Членките на ЕУ веќе се согласија колективно да обезбедат воена помош за Украина. И додека некои земји обезбедуваат оружје на земјата зафатена од војна со минимални барања, други го прават тоа под услов оружјето да се користи само на украинска територија. Киев тврди дека мора да ја гаѓа Русија бидејќи таа ја напаѓа Украина од нејзина територија.

ТОП ВЕСТИ

ПОСЛЕДНИ ВЕСТИ