За премиер беше избран Росен Желјазков, адвокат и поранешен претседател на парламентот, кој доби 125 гласа, додека 114 пратеници гласаа против.
Партијата Герб го избра Желјажков да ја води новата влада на местото на нејзиниот лидер Бојко Борисов, кој предводеше три влади меѓу 2009 и 2021 година.
Партијата Герб освои најмногу гласови на изборите во октомври минатата година, но со 69 пратеници во 240-членото Национално собрание, немаше мнозинство за да формира влада.
Желјазков рече дека неговата партија ги направила „неопходните компромиси“, бидејќи, и покрај идеолошките разлики, формирала коалиција со проруската Социјалистичка партија (БСП) и популистичката партија Има таков народ (ИТН).
Иако коалицијата има помалку пратеници отколку што е потребно за мнозинство, таа беше одобрена со посебно гласање поради поддршката на малата етнички турска партија, која гласаше за коалицијата, но не е дел од неа.
