„По операција од повеќе од 11 часа, спасувањето сега е завршено, а вкупно 440 луѓе, меѓу кои осум жени и 30 деца, сега се безбедни на бродот Гео Баренц и се згрижени од нашиот тим“, објавија Лекари без граници на Твитер со слики од спасувањето.
Бродот Гео Баренц добил повик за помош додека барал да се засолни во Средоземното Море за време на невремето, а потоа го променил курсот за да дојде на помош, соопшти организацијата.
✈️ Ieri pomeriggio il nostro #SeaBird ha monitorato dall’alto il difficile soccorso, durato 11 ore, di un peschereccio da parte della #GeoBarents di @MSF_ITALIA.
Nonostante le condizioni meteo proibitive 440 persone, tra cui 8 donne e 30 bambini, sono state tratte in salvo. pic.twitter.com/3X4l3mO1Mv— Sea-Watch Italy (@SeaWatchItaly) April 5, 2023
Поради лошите временски услови, екипата на Лекари без граници не можела веднаш да излезе на помош, се вели во соопштението.
Според извештаите, во 04:00 часот вечерва, по 10 часа пловење во немирно море, тимот конечно успеал да стигне до бродот со мигрантите.
Италијанските власти го блокираа хуманитарниот брод на Лекари без граници во февруари, обвинувајќи го за кршење на новите прописи за мисиите за спасување мигранти.
Премиерката Џорџа Мелони, лидер на екстремно десничарската партија Браќа на Италија, дојде на чело на владејачката коалиција во октомври со ветување дека ќе го намали бројот на мигранти кои пристигнуваат во земјата.
Новиот закон ги обврзува хуманитарните бродови да вршат само по едно спасување, што, според критичарите, го зголемува ризикот од страдање на мигрантите на медитеранската рута, која се смета за најопасна во светот.
