Брнабиќ кажа дека оваа изјава е пример за директно мешање во внатрешните работи на една земја и дека, ако е нешто во стратешки интерес на некоја земја, на тоа му се посветени сите нејзини институции, а особено разузнавачките и безбедносните служби.
„Изјавата на еден од претседателските кандидати, односно на кандидатката за претседателка на Република Хрватска, во последната седмица на претседателската кампања, дека стратегиски интерес на Република Хрватска е Александар Вучиќ да не биде шеф на Србија, пред сè претставува сосема отворено и најбрутално мешање во внатрешните работи на Република Србија. Замислете некој да го каже ова во Србија. Тие повеќе се занимаваат со Србија отколку со Хрватска“, рече Брнабиќ.
„Значи, тоа е дефиниција за поимот мешање во внатрешните работи на друга држава. И второ, тоа е дефинитивно крунски доказ, не инсинуации, туку доказ дека хрватските институции, сите нивни не само институции туку и разузнавачко-безбедносните служби, даваат и финансиска, и логистичка помош за насилна и недемократска промена на власта во Република Србија и работат на смена на Вучиќ “, рече Брнабиќ. „Зашто ако е нешто од стратешки интерес за вашата држава, тоа значи дека сите ваши институции, а особено безбедносно-разузнавачките институции, работат на тоа стратешкиот интерес на таа земја да се оствари. Ако е стратешки интерес на Хрватска, како што рекоа, Александар Вучиќ да не е претседател на Србија и тој да не ја води Србија, тоа значи дека таа држава е активно ангажирана тоа да се случи, односно да се симне од власт Александар Вучиќ, и тоа на недемократски и на насилен начин.
Зашто несомнено е за сите граѓани дека Александар Вучиќ има мнозинска поддршка. Значи, ако сакате да го симнете, тогаш работите на тоа финансиски, логистички и паметно“, рече претседателката на Собранието и додаде дека конечно се кристализира од каде првиот ден на протестите во Србија, таканаречената готвачка на блокадата, е референца на студентските протести во Загреб во 2009 година.
„И на крај, ако некој се прашува од каде е готвачката на блокадата како почеток, првиот ден на протестите – оттука е готвачката на блокадата. Сега слушнавме и сега полека се составува целиот мозаик и всушност можеме да видиме што се случува“, заклучи Брнабиќ.
